Бидний хамтын ажиллагаа нь дэлхийн стандартад нийцсэн инженер, технологи үйлдвэрлэл, дээд боловсролын сургалт судалгааны техникийн нөхцөлийг бүрдүүлэх зорилготой юм. Оюутнуудыг дэлхийд алдартай тоног төхөөрөмжтэй ажиллах, дадлага хийх, цаашлаад ажлын байраар хангах таатай нөхцөлүүд бүрдэж эх орны үйлдвэрлэлд хүний нөөцийг нэмэх томоохон алхам болж байна.
ХААИС-ийн Инженер Технологийн Сургуулийн Захирал Ж. Мөнгөн:
Бидний хамтын ажиллагаа сургалт, судалгаа, бүтээгдэхүүн хөгжүүлэлт зэрэг гурван бүтцээс бүрдэж байгаа бөгөөд бүтээгдэхүүн хөгжүүлэлтийн хувьд Монгол судлаач Монгол хүнийхээ онцлогт тохирсон бүтээгдэхүүнийг гаргахад хувь нэмрээ оруулах зорилготой. Орчин үеийн дээд боловсролтой мэргэжилтэн бэлтгэхэд чухал ач холбогдолтой хамтын ажиллагаа болж байна.